Troilus and Criseyde is my favourite book, and Criseyde is THE BEST. This sex scene is a key turning point of the book. Until now we seem to have been watching a comedy in which two buds scheme to get a girl into bed: Then the girl reveals it was really she who was doing the scheming all along and they are dummies and this will in fact be HER story. Also it is so beautiful.

What mighte or may the sely larke seye,
Whan that the sperhauk hath it in his foot?
I can no more, but of thise ilke tweye,
To whom this tale sucre be or soot,
Though that I tarie a yeer, som-tyme I moot,
After myn auctor, tellen hir gladnesse,
As wel as I have told hir hevinesse.
Criseyde, which that felte hir thus y-take,
As writen clerkes in hir bokes olde,
Right as an aspes leef she gan to quake,
Whan she him felte hir in his armes folde.
But Troilus, al hool of cares colde,
Gan thanken tho the blisful goddes sevene;
Thus sondry peynes bringen folk in hevene.
This Troilus in armes gan hir streyne,
And seyde, `O swete, as ever mote I goon,
Now be ye caught, now is ther but we tweyne;
Now yeldeth yow, for other boot is noon.'
To that Criseyde answerde thus anoon,
`Ne hadde I er now, my swete herte dere,
Ben yolde, y-wis, I were now not here!'